काठमाण्डौ ।
लोकप्रिय गायक बिक्रम जङ्ग शाहको नयाँ कोशेली गल्फ्रेन्ड छोडे मैलै गीतले बजारमा चर्चा बटुल्न सफल भएको छ । छोटो समयमा नै धेरै श्रोता र दर्शको मन जित्न सफल रहेको सो गीतमा गायक बिक्रम जङ्ग शाह लोकप्रिय गायिका टीका पुनःको स्वर रहेको छ । चर्चित नायक तथा मोडल पल शाह, बिजय पुन, बिष्णु पुन, यानी पुनःको ज्वलन्त अभिनय रहेको सो गीतमा यज्ञ वि।क।को लय,शब्द रहेको गीत मालाश्री स्टुडियोमा रेकर्ड गरिएको छ ।
बिनोद बाजुरालीको संगित संयोजन र बिक्रम चौहानको निर्देशन रहेको गीत उद्दार म्युजिक अफिसियल मार्फत बजारमा ल्याइएको छ । गीतमा केटा र केटी बिचको माया प्रेमका बिच उत्पन्न शंका उपशंका र असमझदारीका कारण तोडिएको सम्बन्ध पछीको स्वतन्त्रता दर्शाइएको छ । सधै टिफिकल गीत गाउन अब्बल गायक शाहले यस अगाडी माइला, खोला खोल्सी , ज्यानलाई भो खतरा,टिलपिल तारा,मनमा तिमी लगायतका गीतहरुले चर्चा कमाई सकेका छन । नेपाली चलचित्र निर्माणमा योगदान पुर्याउनु भएका शाह चलचित्रमा नायकको रुपमा समेत भुमिका निर्वाह गरिसकेका छन् ।
आधुनिक, पप र लोकगीत मार्फत नेपाली गीत संगीतको क्षेत्रमा योगदान दिदै आउनु भएको शाहले यो गीत हेरेर र सुनेर साथ दिनका लागि सबैलाई आग्रह गरेका छन् । भिडियो सहित …………..
