राष्ट्रिय संगीतकर्मी संघ ग्लोवल नेपाली फिल्म अर्वाडबाट सम्मानित ।

ByLumbini Darpan Online

१० जेष्ठ २०७७, शनिबार १७:४३ १० जेष्ठ २०७७, शनिबार १७:४३ १० जेष्ठ २०७७, शनिबार १७:४३

लुदअ, १० जेठ २०७७ ।

कलाकारहरुको साझा संगठन राष्ट्रिय संगीतकर्मी संघले कोरोना भाइरस ( कोभिड –१९) को कारण देश लक डाउनको अवस्थामा रहेको बेला दैनिक काम गर्न नपाएका कारण दुःख र समस्यामा परेका कलाकार एवम् विपन्न घर परिवारलाई खाद्यान्न लगायतका सामग्री बितरण गर्दे मानव सेवा भावले ओत प्रोत भई सामाजिक कार्यमा अग्रसर भएकोले ग्लोवल नेपाली फिल्म अर्वाडबाट सम्मानित भएको छ । २०६२ सालमा स्थापना भई कलाकारिता क्षेत्रमा अग्रसर हुदै आइरहेको यो संस्थाले स्थापना कालदेखी नै गीत संगित क्षेत्रको संरक्षण र संवद्र्धन गर्न निरन्तर रुपमा लागि परिरहेको संस्थाका अध्यक्ष राजेन्द्र कुमार कार्कीले बताएका छन् ।

संस्थाका पुर्व अध्यक्ष रेशम थापाको नेतृत्वमा २२ दिने सांगितिक आन्दोलन देखी भुकम्पको बेला काठमाण्डौं लगाएका क्षेत्रमा राहत बितरण गर्ने एवम् रोयल्टीको समुचित बितरण र संगित विकास वोर्ड गठन गर्न सरकार लगायतका सरोकारवालासँग निरन्तर बहस र पैरवी गरिरहेको संस्थाका महासचिव बिक्रम जङ्ग शाहले बताएका छन् । करिव ४० वटा जिल्लामा शाखा रहेको यो संस्थाले अहिले देश कोरोना भाइरस ( कोभिड –१९) को कारण देश लक डाउनको अवस्थामा रहेको बेला दैनिक काम गर्न नपाएका कारण दुःख र समस्यामा परेका कलाकार एवम् विपन्न घर परिवारलाई खाद्यान्न लगायतका सामग्री बितरण गर्दे आहतमा राहत दिने काम गरिरहेको छ ।

संस्थाले शुरुवाती अवस्थामा कलाकर्मीबाट शुरु गरेको राहत बितरण कार्यक्रम अहिले सम्म आइपुग्दा बिद्यमान संकटका कारण भोकै रहेका कलाकर्मी, रङ्गकर्मी,संगीतकर्मी सहित बिभिन्न पेशा व्यवसायमा आवद्ध मजदुर, पिछडिएका बर्ग समुदाय, सरकारको ध्यान पुग्न नसकेका दिन दुखीहरु,भिन्न क्षमता भएका व्यक्तिहरु गरी करिव तिन हजार घरधुरीका लागी राहत बितरण गरिसकिएको संस्थाका उपाध्यक्ष अमृत खातीले जानकारी दिएका छन् ।

अहिले बिश्वभरी नै फैलिरहेको कोरोना भाइरस ( कोभिड १९) को प्रभाव नेपालमा पनि परेपश्चात् सरकारले लागु गरेको लकडाउनका कारण समस्यामा परेका कलाकर्मी लगायत अन्य श्रमिक कामदारहरुका लागी राहत बितरण गर्न संस्थाले बिपत व्यवस्थापन कोष गठन गरी सो को कार्यविधिका आधारमा राहत वितरण गरिहेको संस्थाका महासचिव तथा विपत व्यवस्थापन कोषका संयोजक बिक्रम जङ्ग शाहले जानकारी दिएका छन् ।

राहत वितरण कार्यक्रममा संस्थाका अध्यक्ष राजेन्द्र कुमार कार्की, बरिष्ठ उपाध्यक्ष नमराज ढुंगाना, उपाध्यक्ष द्धय अमृत खाती , उमा श्रेष्ठ , संस्थाका महासचिव तथा विपत व्यवस्थापन कोषका संयोजक बिक्रम जङ्ग शाह, संस्थाका केन्द्रिय सदस्य सिर्जु अधिकारी, राजकुमार हुमागाइ ,श्याम धिताल, सुमि श्रेष्ठ लगायत संगितकर्मी संघसँग आवद्ध व्यक्तिहरुको सहभागितामा राहत वितरण अभियान निरन्तर रुपमा संचालन रहेको संगितकर्मी संघकी केन्द्रिय सदस्य सिर्जु अधिकारीले जानकारी दिएकी छन् ।

Facebook Comments Box

Leave a Reply

Your email address will not be published. Required fields are marked *

तपाईले छुटाउनुभयाे कि?