थानेश्वर अधिकारी,कपिलवस्तु ।
नेपाल आमाको छातीमाथि छिमेकी मुलुक भारतले परेड खेलिरहेको बेलामा राष्ट्रिय लोकदोहोरी प्रतिष्ठान नेपालका निवर्तमान केन्द्रिय सदस्य तथा चर्चित गायक तारापती सुवेदीले हामी बिर गोर्खाली कातर छैनौ वोलको गीत सार्वजनिक गरेका छन् । । नेपाल आमाको अस्मिता लुटिएको बेला छिमेकी मुलुक भारतले हाम्रो मातृभुमिको न्यानो काख लिपुलेक बाट मानसरोवर जाने बाटो खोलिरहदा हामी नतमस्तक छौं ।
नेपाल आमाले आफ्नो अस्तित्व रक्षाका लागि आफ्ना सन्तानसँग हार गुहार गरिरहेकी छन् । यस्तै यस्तै व्यथा र भावना रहेको बोकेर राष्ट्रिय भावनाले ओतप्रोत गीतमा बरिष्ठ गायक तारापती सुवेदीको लय स्वर, केशरी अधिकारी सुवेदीको शब्द र दिपेश मगरको संगीतले सिगारिएको यो गीत समसामहिक र यथार्थपरक रहेको छ । दिपक अधिकारकिो निर्देशन र सम्पादन रहेको गीत तारा जीवन म्युजिक क्रियशन मार्फत बजारमा ल्याइएको यो गीतले साच्चै नै नेपाल आमाको बेदना पोखेको छ ।
पुर्खाको दुःख र रगत पसिनाले आर्जेको हाम्रो देश नेपाल भारतीय अतिक्रमणका कारण दिन प्रतिदिन सीमा मिचिदै गैरहेको छ । पश्चिम दार्चुलाको लिम्पियाधुराबाट पूर्वताप्लेजुङ सम्म दर्जनौँ स्थानहरुमा करिव ६१ हजार हेक्टर नेपाली भूमि लुटिएको छ ।
गीतमा गायकले विर गोर्खालीको साहस र परिश्रमले हाम्रो देश नेपाल पहिला पुर्व टिष्टा देखी पश्चिम काँगडा सम्म रहेको र जस्तो सुकै कठिन परिस्थिती पनी सहन बानी परेका हामी नेपाली भुकम्प जस्तो विनासकारी घटनालाई पनी सजिलै बहन गर्न सकेको स्मरण गराएका छन् । गीतले विश्व अहिले कोरोनाको कहरबाट गुज्रिरहेको मौका छोपी छिमेकीले नेपाल आमाको अस्मिता माथी धावा बोलीरहेको अवस्थामा सबै नेपाली दाजु भाई दिदि बहिनीहरुलाई एक जुट भइ सिमा रक्षाका लागी भक्ति थापाको तरबार लिएर उत्रन अनुरोध गरेको छ ।
भारतसँग सीमा जोडिएका हाम्रा २६ जिल्लामध्ये २३ ओटा जिल्लाका विभिन्न स्थानमा भारतले नेपाली भूमि अतिक्रमण गरेको छ। बिर पुर्खाहरुको रगत मसिनाले सिंचित हाम्रो देश नेपालको सिमाना पश्चिम किल्ला कागडा देखि पुर्वमा टिस्टा सम्म रहेको थियो । गीतले नेपाली भुमी रक्षा गर्न र नेपाली आमाको अस्मिता जोगाउन सबै नेपालीहरुलाई एक जुट हुन आव्हान गरेको छ । गायक तारपती सुवेदीको कलात्मक लय र स्वरका कारण गीत अत्यन्त सान्दर्भिक र सबैको मन मस्तिष्कमा बस्न सफल भएको छ । भिडियो सहित……
