लुदअ नवलपुर, जेठ २२

नवलपुरको कावासोतिमा रहेको मौलाकालिका वर्कशपले आफ्ना आजिवन सदस्यहरुको कोरोना बिमा गर्दा लाग्ने प्रीमियम रकमको आधा रकम सस्थाले बेहोर्ने भएको छ। अहिलेको कोरोना महामारीको अवस्थमा आफ्ना आजिवन सदस्यले कोरोना बिमा गर्न चाहेको खण्डमा पचास प्रतिशत सहयोग मौलालिकाले गर्न लागेको हो।

देशमा कोरोना महामारीले गर्दा सम्पुर्ण उद्योग व्यवसाय प्रभावित रहेको वर्तमान सन्दर्भमा आफ्नो संस्थाको सुरुवात देखिनै जोडिएका आजिवन सदस्यहरुलाइ कोरोना जोखिम न्यूनीकरणमा सहयोग पुर्याउने हेतुले यो योजना ल्याएको संचालक प्रविन सापकोटाले बताए।

संस्थाले यसअघि पनि विभिन्न सहयोग प्याकेजहरु ल्याइरहेको छ। यसअघि पनि जाडोमा न्यानो कपडा बितरण,नगरपालिकाको विपद व्यवस्थापन कोषमा आर्थिक सहयोग तथा विभिन्न सामाजिक कार्यक्रमहरुमा आफ्नो उपस्थिति जनाउदै आएको संस्थाले केही समय अगाडि आफ्ना नियमित ग्राहकहरुलाइ लकडाउनले प्रभाव पारेको भन्दै सय बढि ग्राहकको वक्यौता रकम मिनाहा गरेको पनि सापकोटाले जानकारी दिए।

कोरोना विमा अफर कोरोना संक्रमण अबधिभर मात्रै रहेने भन्दै संस्थाले आगामी दिनमा पनि सामाजिक हितलाइ मध्यनजर गर्दै आफ्ना ग्राहकको सुख-दुखमा सधै साथ दिने प्रतिवद्दता समेत व्यक्त गरेका छन।