कोरनाको कहरः अनुभुती र भोगाई

शान्ती थापा,कपिलवस्तु ।

हरेक दिन सधै जसो झै आजपनि म बार्दलिमा बसेर मनमा अनेकौ कुराहरु खेलाउदै बसेको पनि महिनौ बढि भईसक्यो। अग्रेजी बर्ष २०१९ को अन्त्यसङगै मानव समुदायलाई नै आक्रान्त बनाउने कोरोना भाईरस अर्थात कोभिड १९ को महामारिले विश्वभर भय, त्रास,संक्रमित अनि मुत्युको अनपेक्षित सङ्ख्या संगै मानिसहरुमा एक प्रकारको आतंक सृजना गरेको छ ।

यो कोरोना भाईरसले आम मानिसको जनजिवनमा पारेको प्रभाव सँगै आउन सक्ने भोकमरी, नैराश्यता,लैगिंक हिंसा र आत्महत्या जस्ता अनेकौ परिस्थिति जन्य घटनाले मनमा धेरै प्रश्नहरु उठिरहेका छन । साँच्चै म लगायत हरेक मानिसलाई कोरोना भाईरस अनि आफ्नै व्यक्तिगत समस्याले धेरै नै पिरोलेको छ। आफ्नो देशको दाजु भाई दिदिहरुहरुले विदेशमा पाएका दुख, कष्ट र पिडाहरु सम्झदा मन झनै भक्कानिन थाल्छ ।

कोरोनाले हाम्रो देश नेपालमा पनि भयावह स्थिति नल्याउला भन्न सकिदैन। नेपाली जनता कोर‍नाको संक्रमण हुने अनौठो चरित्र देखेर भयवित हुँदैछन् । त्यतिमात्र होइन सबै उत्पादनका क्षेत्रहरु लकडाउनको चपेटामा परेपछि सबै जनता बेरोजगार र अभावको भुमरीमा जादैछन्। लामो समयदेखि शैक्षिक संस्थाहरु बन्द रहँदा एसईई, ११, १२ र विश्वविद्यालयका परीक्षाहरु स्थगित हुँदा विद्यार्थीको भविष्यमा अन्यौलता थपिएको छ । कोरोना संक्रमितको उपचार गर्न अहोरात्र खटिएका स्वास्थ्यकर्मीहरु आवश्यक ब्यक्तिगत सुरक्षा उपकरण (पी.पी.ई.) विना ठूलो जोखिममा छन्।

हरेक चुनौतिले गर्भमा नयाँ सम्भावना लिएर आएको हुन्छ। पुरानो मानव सभ्यताको अन्त्य भई अबको मानव सभ्यता नयाँ सीराबाट आरम्भ हुन्छ। कोरोनाको यो चुनौतिले मानिसको सोच, चिन्तन, कला, शैली र दर्शनमै आमूल परिवर्तन ल्याउने छ । विश्व मानवले थुप्रै हिमपात, खडेरी, अनिकाल, भूकम्प, ज्वालामुखी, सुनामी, बाढीपैरो र भिषण युद्ध झेल्दै हाल कोरोना कहरको सामना गर्दैछ। आफ्नो खानपान, सरसफाइमा गम्भीर रुपले ध्यान पुर्याऔं, नियमित ब्यायाम गरौं, नवजात शिशु, सुत्केरी र गर्भवती महिला, वृद्धवृद्धा,दीर्घ रोगी,असहाय,गरीब निमुखा प्रति सहयोगी बनौं।

सामाजिक दूरी राखेर मात्र भेटघाट गरौं, मनमा पीर र पीडा नराखौं, रचनात्मक कामहरुमा ध्यान लगाऔं । यस बिषम परिस्थतीमा पनी कोरोना विरुद्ध सबै जना एकजुट भएरलडौं। यदी यसो गर्न सक्यौ भने भोलीको मिर्मिरेले नयाँ उज्यालो लिएर आउँनेछ ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *