लुदअ कपिलवस्तु, चैत्र ११
कोराना भार्ईरस (कोभिड १९) को संक्रमण विश्व महामारीको रुपमा फैलिरहेको अवस्थामा अर्घाखाँचीको शितगंगा नगरपालिका वडा नं. १३ ले जनचेतनामुलक कार्यक्रममा तिब्रता दिएको छ । कोरोनाको संक्रमण फैलिरहेको अवस्थामा वडाको आकस्मिक बैठकको निर्णय अनुसार वडावासीहरुलाई विभिन्न सचेनता दिँदै स्वास्थ्य सामाग्रिहरु वितरण गरिएको वडाअध्यक्ष दुर्गा बहादुर विसिले बताए । सोहि महामारीबाट सुरक्षित रहन आग्रह गर्दै वडाले एक हजार बढि मास्क वितरण गरेको छ भने बाँकी रहेका सम्पुर्ण वडावासीहरुलाई पनि वितरण गरिने बताईएको छ ।
विशेष गरि नाक र मुखबाट संक्रमण फैलिरहेको अवस्थामा ध्यानपुर्वक मास्क प्रयोग गरेमा यसको कोरोनाको संक्रमणबाट सुरक्षित रहने भन्दै मास्क वितरण गरिएको हो । वितरण गर्दै वडाअध्यक्ष विसिले कोरोना भाईरस के हो ? कसरी सर्छ ? यसका लक्षण र बच्ने उपायहरुको बारेमा चेतनामूलक पम्प्लेट पनि वितरण गरेका थिए ।
त्यस्तै कोरोना भाइरस खोकी, श्वासप्रश्वास, जनावर तथा नपाकेको मासु आदिबाट मान्छेमा सर्ने तथा नजिकै रहँदा, हात मिलाउँदा, भाइरस रहेको सामान वा कपडा प्रयोग गर्दा पनि यो रोग एकबाट अर्कोमा सर्न सक्ने भन्दै यसबाट सचेत रहनुपर्ने बताए ।
साथै स्यानिटाईजरको प्रयोग गर्ने विधिको बारेमा वडावासीलाई जानकारी गराईएको थियो ।
यसबाट बच्नका लागि सफा पानीले हात मुख धुने, खोक्दा हाच्छ्यु गर्दा नाक मुख छोप्ने, पशुजन्य मासु वाअण्डा राम्रोसंग पकाएर खाने, जंगली वा घरेलु पशुपंछीसंग असुरक्षित सम्पर्कबाट टाढा रहने बारे स्पष्ट पारे ।
