लुदअ कपिलवस्तु, २८ बैशाख

कपिलवस्तुको शिवराज नगरपालिकामा मंगलवार जनस्वास्थ्य सेवा केन्द्रको शिलान्यास गरिएको छ । नेकपाका महासचिव नेत्र विक्रम चन्द(विप्लव)ले शिवराज नगरपालिकाको वडा नं। ९ बानियाँभारमा आज एक कार्यक्रमकम विच जनस्वास्थ्य सेवा केन्द्रको शिलान्यास गर्नुभएको हो । शिलान्यास कार्यक्रममा बोल्दै नेकपाका महासचिव नेत्र विक्रम चन्दले कोरोनाको दोस्रो लहरको जोखिम बढ्दै गएपछि कोरोना संक्रमितहरुको उपचारका लागि सहजरुपमा विभिन्न सेवाहरु यस केन्द्रबाट प्रदान गर्ने बताउनुभएको छ ।

जनस्वास्थ्य सेवा केन्द्रलाई अझै विस्तार र प्रभावकारी सेवा प्रदान गर्न पार्टीले सरकारसँग पहल गर्ने प्रतिबद्धतासमेत चन्दले जनाउनुभयो । जनस्वास्थ्य सेवा केन्द्र भवनको उदघाटन गर्दै सहजरूपमा वडा नागरिकले स्वास्थ्य सेवा पाउन सकुन् भनेर उक्त स्थानमा स्वास्थ्य सेवा केन्द्र स्थापना गरिएको र अहिले यसका लागि भवन निर्माण गर्न लागिएको चन्दले बताउनुभयो ।

हरेक वडामा स्वास्थ्यकर्मी पुर्याउने सरकारको नीतिअनुसार अहिले नगरभित्रका सबै वडामा आधारभूत स्वास्थ्य कार्यालय स्थापना गरिएको उहाँको दाबी छ । शिवराज ९ वडा अध्यक्ष चुर बहादुर खड्काले जनस्वास्थ्य सेवा केन्द्र भवनको शिलान्यास कार्यक्रममा बोल्दैवडामा आधारभूत स्वास्थ्य सेवा पुग्नु महत्वपूर्ण उपलब्धि भएको बताउनुभयो ।