जेठ १६,देवदह ।

रुपन्देहीको देवदह नगरपालिका– १,विर्ता निवासी केशव अग्रहरीको कोरोना संक्रमणका कारण भिम अस्पताल भैरहवामा उपचारकै क्रममा निधन भयो । कोरोना संक्रमणका कारण निधन भएकाले उनको शव छुन आफन्त र छिमेकीहरु डराए पछि उनको शव व्यवस्थापन गर्न अनेरास्ववियूका विद्यार्थीहरुले सहयोग गरे । सुरक्षा मापदण्ड अपनाएर उनीहरुले मृतक अग्रहरीको शव अस्पतालबाट निकाली परिवारको उपस्थितीमा दाहसंस्कार गराए ।
त्यसै गरी रुपन्देहीको देवदह नगरपालिका–६,सरनबारीका भिम सिंजालीको केही दिन ज्वरो आए पछि जेठ १५ गते निधन भयो । कोरोनासँग मिल्दो–जुल्दो लक्ष्यण देखिए पछि गाउँलेहरु उनको शव नजिक जान डराए । अनेरास्वियुका विद्यार्थीहरुले जानकारी पाए पछि परिवारको रोहवरमा कालिका सामुदायिक वनका अध्यक्ष समेत रहेका सिँजालीको शव व्यवस्थापन गरे ।
कोरोनाको दोश्रो लहर शूरु भए पछि अनेरास्ववियुले रुपन्देहीको निर्वाचन क्षेत्र नं –१ लाई लक्ष्यित गरि सामाजिक अभियान सञ्चालन गरेको छ । गाउँ–गाउँमा पुगेर स्थानीयवासीको स्वास्थ्य अवस्थाको जानकारी लिने, शंकास्पद विरामी भेटिएमा पिसिआर चेक गर्न लैजाने, उपचारका लागि अस्पताल पु¥याउने जस्ता कामहरु सँगठनले गर्दै आएको छ ।
अनेरास्ववियुका जिल्ला सदस्य अर्जुन गैरे कोरोना संक्रमणका कारण कोही कसैलाई अप्ठ्यारो नपारोस भनेर आफुहरुले अभियान सञ्चालन गरेको बताउँछन् । उनी भन्छन्– हालसम्म सयौं विरामीलाई उद्धार गरेका छौं । अस्पताल लैजाने,अक्सीजनको व्यवस्थापन गर्ने र कारणवश विरामीको निधन भएमा शवको दाहसंस्कारमा समेत सहयोग गरेको गैरेले बताए ।
कसैलाई कोरोना संक्रमण भएको पाईएमा ईष्टमित्र र आफन्तहरु नजिक नजाने,राहत र उद्यारमा नजुट्ने भए पछि अनेरास्ववियुले अभियान सञ्चालन गरेको थियो । संक्रमित हुदैमा वा संक्रमणको लक्ष्यण देखिदैमा कसैले ज्यान गुमाउन नपरोस भन्ने उद्धेश्यका साथ सञ्चालित अभियानबाट संगठनले दैनिक १५–२० जना विरामीलाई उद्धार गरिरहेको छ । क्षेत्रका विभिन्न ठाउँबाट दैनिक फोन आउने र आफुहरु टोल–टोलमा पुगेर सेवा दिने गरेको सँगठनका नेता प्रविण गौडेलले बताए ।
विरामीको संख्यामा वृद्धि,एम्वुलेन्सको अभावलाई टार्न साधारण गाडीलाई एम्वुलेन्सको रुपमा सञ्चालन गरेको संगठनका जिल्ला सदस्य नविन गैरे बताउँछन् । उनी भन्छन्, आवश्यकता अनुसार अक्सीजनको सिलिन्डर वोकेर विरामी लिन घरसम्म पुग्ने गरेका छौं ।
अनेरास्ववियुले चलाएको अभियानबाट स्थानीयवासीले राम्रो सेवा प्राप्त गरेको देवदह नगरपालिका – ८ का वडा अध्यक्ष डण्डपानी भट्टराईले बताउँछन् । वडा अध्यक्ष भट्टराई भन्छन्– स्थानीय तह,स्वास्थ्य संस्था र जन प्रतिनिधीहरु समन्वयमा विद्यार्थीहरुले चलाएको अभियानबाट सर्वसाधारणलाई राम्रो सेवा पुगेको छ ।
खास गरि असाहय र गरिव परिवारलाई लक्ष्यीत गरि चलाईएको अभियानले निमुखा जनताको हित गरेको देवदह मावि का व्यवस्थापन समितिका अध्यक्ष जगनाथ अधिकारी बताउँछन् । त्यसका लागि हैसियत हुनेले आर्थिक सहयोग गरेको समेत उनले बताए ।

अनेरास्ववियुले विरामीलाई अस्पताल तथा पिसिआर गर्न लैजान, उपचारका क्रममा बचाउन नसकिएका विरामीको शव व्यवस्थापन गर्न २ वटा सवारीका साधन सञ्चालनमा ल्याएको छ । संगठनका सदस्यहरुको टोली निर्माण गरी प्रत्येक दिन भिन्न–भिन्न व्यक्तिलाई संयोजकको जिम्मेवारी तोकेर सामाजिक अभियानलाई तिव्रता दिएको सँगठनका नेता कृष्ण पौडेलले बताए ।
पौडेल भन्छन्,नेकपा एमालेको सहयोगमा संगठनले क्षेत्र भरी नै अभियान सञ्चालन गरेको छ । विभिन्न सहयोगी र चन्दादाताको आर्थिक सहयोगबाट आफुहरु सामाजिक अभियानमा कृयाशिल रहेको उनले बताए । संगठनका सदस्यहरु नितान्त सामाजिक दायित्व पुरा गर्न सामाजिक अभियानमा लागेको बताउँदै पौडेलले यस अभियानलाई सवैको साथ र सहयोगबाट प्रभावकारी बनाउन सकिनेमा जोड दिन्छन् ।