आज ५ जून, विश्व वातावरण दिवस । विगतका वर्षहरुमा विभिन्न कार्यक्रमको आयोजना गरी दिवस मनाइने गरे पनि यस वर्ष औपचारिक कार्यक्रम प्रभावित भएका छन् । विश्वव्यापी रुपमा फैलिएको कोरोनाभाइरसको महामारीका कारण यो वर्ष भर्चुअल छलफल गरी विश्व वातावरण दिवस मनाइँदैछ । विभिन्न संघसंस्थाले भर्चुअल छलफल कार्यक्रम आयोजना गरेका छन् । नेपालमा पनि अनौपचारिक रुपमा आयोजना गरिएका भर्चुअल छलफल मार्फत दिवस मनाइदै छ । पर्यावरण प्रति विश्व जगतमा सचेतना जगाउने उद्देश्य अनुरुप संयुक्त राष्ट्रसंघको आव्हानमा सन १९७३ देखि प्रत्येक वर्ष ५ जूनमा विश्व वातावरण दिवस का रुपमा मनाइन्छ । गत वर्ष पनि लकडाउनका कारण दिवस प्रभावित भएको थियो ।