जेठ ३०, तिलोत्तमा ।
आनिछोइङ डोल्मा फाउडेसन काठ्मान्डौं र प्रारम्भ समाजिक संस्था ललितपुरले तिलोत्तमा नगरपालिकाका लागि स्वाथ्य सामग्री हस्तान्तरण गरेको छ । तिलोत्तमा नगरपालिकाले कोभिड १९ नियन्त्रणका लागि अवलम्वन गरेको रणनीतिले सकारात्मक सन्देश दिएको भन्दै फाउनडेसन र प्रारम्भसामाजिक संस्थाले तिलोत्तमा नगरपालिकालाई छनोट गरी सामग्री हस्तान्तरण गरेका हुन । कार्यक्रममा तिलोत्तमा नगरप्रमुख बासुदेव घिमिरेले उपलव्ध भएका स्वास्थय उपकरणले कोभिड १९ बाट संक्रमित विरामीहरुलाई थप उपचारमा सघाउ पुग्ने बताउँदै नगरपालिकाले निर्माण गरेको कोरोना अस्थायी अस्पतालमा व्यवस्थापन गरिने बताउनुभयो । उहाँले उपलव्ध स्वास्थय बताउनुभयो । फाउनडेसनका संस्थापक आनि छोइङ डोल्माले तिलोत्तमा नगरपालिकाले कोभिड निन्त्रणका लागि खेलेको भूमिकाको चर्चा सुनेर थप सहयोग होस भन्नलाई आफू तिलोत्तमामा आएको बताउनुभयो । कार्यक्रममा नगरपालिकाका उपप्रमुख जागेश्वर देवी चौधरी, नगरपालिकाका प्रवत्ता सुरेन्द्र श्री, फाउन्डेसनका प्रोजक्ट डाइरेक्टर तथा नेपाल पत्रकार महासंघ काभ्रेका अध्यक्ष बद्रिनाथ तिमल्सेना, प्रारम्भ समाजिक संस्थाका सदस्य सुनैना थापा, समाज सेवी विष्णु भूषाललगाएतकोे सहभागिता रहेको थियो ।