काठमाण्डौको तापक्रम २‍.८ डिग्री सेल्सियसमा झर्यो, तराईमा घाम देख्नै मुश्किल

लुदअ माघ १३, काठमाण्डौ
काठमाण्डौको न्यूनतम २ दशमलव ८ डिग्री सेल्सियसमा झरेको छ । हिजो काठमाण्डौको न्यूनतम तापक्रम ३ दशमलव ६ डिग्री सेल्सियस थियो ।

काठमाण्डौको न्यूनतम अझै घट्ने सम्भावना रहेको मौसमविद् गंगा नगरकोटीले बताउनुभयो । रातको समयमा आकाश सफा भएकाले न्यूनतम तापक्रम घटेको हो ।

यसअघि गएको पुस १६ गते काठमाण्डौको तापक्रम ० दशमलव ८ डिग्री सेल्सियसमा झरेको थियो । त्यसयता बिस्तारै न्यूनतम तापक्रम बढ्दै गएकोमा केही दिनयता फेरि घट्न थालेको मौसमविद् नगरकोटीले बताउनुभयो ।

पानी पार्ने शक्तिशाली प्रणाली नेपाल प्रवेश नगरेकाले केही दिन मौसम यस्तै रहने मौसमविद्ले बताएका छन् । सामान्यतया माघ १५ गतेदेखि गर्मी बढ्दै जाने भए पनि हिउँदे वर्षा नहुँदा मौसम राम्ररी खुल्न सकेको छैन ।

आज पनि तराईका जिल्लामा बाक्लो हुस्सु र कुहिरो लाग्ने मौसमविद् नगरकोटीले बताउनुभयो । पश्चिम तराईका केही ठाउँमा केही दिनदेखि घाम नै नदेखिएको उहाँले जानकारी दिनुभयो । बाक्लो हुस्सु र कुहिरोको कारण तराईका नागरिकको जनजीवन प्रभावित भएको छ ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *