लुम्बिनी प्रदेशमा डा. विकास देवकोटालाई कोरोना खोप व्यवस्थापनको जिम्मेवारी

ByLumbini Darpan Online

२४ फाल्गुन २०७७, सोमबार ०९:२३ २४ फाल्गुन २०७७, सोमबार ०९:२३ २४ फाल्गुन २०७७, सोमबार ०९:२३

स्वास्थ्य तथा जनसंख्या मन्त्रालयले कोभिड विरुद्धको खोपको व्यवस्थापनमा प्रदेश स्तरको लागि ७ जना संयोजक तोकेको छ ।
स्वास्थ्य मन्त्रालयका अनुसार लुम्बिनी प्रदेशमा खोप व्यवस्थापनको लागि डा. विकास देवकोटा तोकिएका छन् ।

संयोजकलाई सम्बन्धित प्रदेशमा खोप अभियानका व्यवस्थापन,खोप अभियानमा देखा पर्ने समस्या समाधानका लागि सहजीकरण गर्नेलगायतको जिम्मेवारी दिइएको मन्त्रालयले जनाएको छ ।

त्यसैगरी सुदूरपश्चिम प्रदेशमा डा. कृष्ण पौडेल, कर्णाली प्रदेशमा डा. अनुज भट्टचन र गण्डकी प्रदेशको लागि डा. जागेश्वर गौतमलाई संयोजकको जिम्मेवारी दिइएको छ ।

त्यस्तै बागमती प्रदेशमा डा. गुणराज लोहनी, प्रदेश २ मा डा. मदनकुमार उपाध्याय र प्रदेश १ को लागि डा. तारानाथ पोखरेललाई संयोजकको जिम्मेवारी दिइएको हो।

भारत सरकारले नेपाललाई बिहीबार १० लाख डोज कोभिड खोप उपलब्ध गराएको छ।

अहिले उक्त खोप टेकुस्थित केन्द्रिय भण्डारण केन्द्रमा राखिएको छ । खोप लगाउने व्यक्तिहरुको जिल्लागत विवरण एकिन भएपछि मात्र प्रदेशमा पठाउने मन्त्रालयको तयारी छ ।

अनुदानमा आएको खोप सुरुमा स्वास्थ्यकर्मी एम्बुलेन्स चालक, सफाई कर्मचारी,शब व्यवस्थापकलाई खोप लगाइने मन्त्रालयले जनाएको छ ।

 

Facebook Comments Box

Leave a Reply

Your email address will not be published. Required fields are marked *