थानेश्वर अधिकारी ।
कोरोना भाइरस ( कोभिड १९) को संक्रमण बढ्दै गैरहेको बेला कपिलवस्तु जिल्लामा रहेको संस्था सिद्धार्थ सामाजिक विकास केन्द्रले सो को प्रतिकार्यका लागी राहत तथा अत्यावश्यक स्वास्थ्य सामाग्री सहयोग गर्दे आइरहेको छ । संस्थाले लकडाउनको शुरुवाती देखि नै समुदायमा जनचेतना, स्थानीय र प्रदेश सरकारसंग समन्वय गरेर, स्वास्थ्य क्षेत्रमा सहयोग बितरण गरिरहेको छ । संस्थाले केही समय अगाडी देखी युएनएफपिएको साझेदारीमा निःशुल्क टोल प्रि नं.को माध्यमबाट मनोसामाजिक परामर्श सेवा शुरु गरेको छ भने युनएफपिएकै सहयोगमा क्वारेन्टाइनमा बसेका महिला तथा बालबालिकाका लागि किशोरी किट र मर्यादा किट समेत वितरण गरिएको संस्थाका अध्यक्ष तेज प्रसाद आचार्यले जानकारी दिएका छन् ।
कपिलवस्तु लगाएत प्रदेशका अधिकांश जिल्ला कोरोनाको संक्रमणबाट प्रभावित भइरहेका बेला प्रदेश सरकारको समन्वयमा गठन भएको पोटेक्सन क्लस्टर को सदस्य भइ सिद्धार्थ सामाजिक विकास केन्द्रले पनी आफ्ना कार्यक्रमहरु संचालन गरिहेको छ । अहिले कपिलवस्तु जिल्लाका सवै स्थानीय तह कोरोनाको प्रभाव बढिरहेको हुनाले समुदायमा सचेतना र सतर्कता अपनाउन जरुरी देखिएको छ । पछिल्लो समय जिल्लाका क्वारेन्टाइनमा बस्नेहरुको संख्या पनि बढ्दै गएको र संक्रमितहरु पनी दिनानुदिन थपिदै गैरहेको कारण क्वारेन्टाइमा बसेका व्यक्तिहरुको आधारभूत आवश्यकता समेत परिपूर्ति नभएको कारण सम्बन्धित पक्षको ध्यानाकर्षण गराइएको मानव अधिकार एलाइन्सका केन्द्रिय उपाध्यक्ष तथा अधिकारकर्मी पोमनारायण पौडेलले बताए ।
महामारीका बेला स्थानीय सरकारलाई जिम्मेवार बनाउदै कोरोना रोकथाम र नियन्त्रणमा सवै क्षेत्रको सहयोग र सहकार्य हुनुपर्ने मानव अधिकारकर्मी पौडेलको भनाइ छ । यसै गरी संस्थाले शनिवार र आइतबार केयर नेपालको सहकार्यमा कपिलवस्तुको यशोधरा, मायादेवी, वाणगंगा, रुपन्देहीको लुम्बिनी साँस्कृतिक नगरपालिका, मर्चवार, समरीमाई गाउँपालिका र लुम्बिनी प्रादेशिक अस्पताल बुटवललाई स्वास्थ्य सामग्री हस्तान्तरण गरिएको संस्थाले जनाएको छ ।
