थानेश्वर अधिकारी, २९ जेठ २०७७ ।
अहिले बिश्व महामारीका रुपमा रहेको कोरोना भाइरस ( कोभिड–१९) को प्रकोपका कारण नेपालमा भएको लकडाउन संगै बेरोजगारीका कारण गरिब तथा बिपन्न वर्गका परिवारमा खाद्यान्नको समस्या पर्दे आइरहेको छ । यसै सन्दर्भमा कलाकर्मीहरुको साझा संगठन राष्ट्रिय सङ्गीतकर्मी सघले समस्यामा परेका विपन्न र पिडित व्यक्तिहरुका लागी राहत बितरण गरी बिहान बेलुकाको पेट भर्न खाद्यान्न सामाग्री सहयोग एवम् खाना खुवाउने काम गरिरहेको छ ।
लकडाउन भए सँगै शुरुवात गरिएको यो अभियानमा अहिले सम्म आइपुग्दा करिव ४ हजार परिवारलाई खाद्यान्न समाग्री सहयोग तथा पशुपति क्षेत्र ,पुरानो बसपार्क ,भद्रकाली, महाङ्काल क्षेत्रका करिव २ हजार भन्दा बढीलाई खाना खुवाएको राष्ट्रिय सङ्गीतकर्मी संघका अध्यक्ष राजेन्द्र कुमार कार्कीले जानकारी दिएका छन् । साथै यस अवधीमा केन्द्र लगायत कास्की, बाँके, काभ्रे लगायतका जिल्लाले पनि राहत सामाग्री बितरण गरेको अध्यक्ष कार्कीले जानकारी दिएका छन् ।
शुरुमा कलाकर्मीबाट बाट शुरु गरिएको राहत वितरण अभियान अहिले लक डाउनका कारण समस्यामा परेका गरिव, विपन्न, मजदुर लगायत आम नागरिकको घर घरमा पुगेर बितरण गरिएको राष्ट्रिय सङ्गीतकर्मी संघका महासचिव तथा विपत व्यवस्थापन कोषमा संयोजक बिक्रम जङ्ग शाहले जानकारी गराएका छन् ।
अभियानमा राष्ट्रिय सङ्गीतकर्मी संघका अध्यक्ष राजेन्द्र कुमार काकी,राष्ट्रिय सङ्गीतकर्मी सङ्घका महासचिव तथा बिपत व्यवस्थापन कोषका संयोजक बिक्रम जङ्ग शाह, बरिष्ठ उपाध्यक्ष नमराज ढुंगाना, उपाध्यक्ष द्धय अमृत खाती, उमा श्रेष्ठ , प्रवक्ता होमराज सुबेदी , केन्द्रिय सदस्य सिर्जु अधिकारी, राजकुमार हुमागाई लगायत सम्पुर्ण संगितकर्मीका पदाधिकारी तथा सदस्यहरुको सहभागी रहेको छ ।
अभियानलाई सफल पार्न बिभिन्न व्यक्ति तथा संघ संस्थाहरुले सामाग्री सहयोग तथा व्यवस्थापन गरेको संस्थाका सचिवालय सदस्य राजकुमार हुमागाईले जानकारी दिएका छन् ।
