लुदअ, जेठ ३, २०७७ ।
अहिले बिश्व महामारीका रुपमा रहेको कोरोना भाइरस ( कोभिड–१९) को प्रकोपका कारण नेपालमा भएको लकडाउन संगै आर्थिक अभावका कारण गरिब तथा बिपन्न वर्गका परिवारमा खाद्यान्नको समस्या पर्दे आइरहेको छ । यसै सन्दर्भमा राष्ट्रिय सङ्गीतकर्मी सङ्घले समस्यामा परेका विपन्न र पिडित व्यक्तिहरुका निरन्तर खट्दै राहत बाड्दै आइरहेको छ ।
लकडाउन भए सँगै शुरुवात गरिएको यो अभियानमा आज सम्म आइपुग्दा करिव दुइ हजार घर परिवारलाई राहत बितरण गरिएको संस्थाका महासचिव तथा संस्थाद्धारा गठित विपत व्यवस्थापन समितिका संयोजक बिक्रम जङ्ग शाहले बताएका छन् । राष्ट्रिय सङ्गीतकर्मी सङ्घको अभियान अन्तर्गत आज गौशाला ,सुकेधारा ,कोटेश्वर ,बौद्द महादेब, बालकुमारी ,हरहर महादेब ,लगायतका ठाउहरु गरी २२ जनालाई राहत सहयोग बाडिएको संस्थाका बरिष्ठ उपाध्यक्ष नवराज ढुंगानाले जानकारी दिएका छन्।
आजको अभियानमा राष्ट्रिय सङ्गीतकर्मी संघका महासचिव तथा बिपत व्यवस्थापन कोषका संयोजक बिक्रम जङ्ग शाह, बरिष्ठ उपाध्यक्ष नवराज ढुंगाना, उपाध्यक्ष द्धय अमृत खाती, उमा श्रेष्ठ , प्रवक्ता होमराज सुबेदी , केन्द्रिय सदस्य सिर्जु अधिकारी, राजकुमार हुमागाई , लगायतको उपस्थिती रहेको उपाध्यक्ष अमृत खातीले बताएका छन् ।
झण्डै ७ हप्ता देखी संस्थाको अगुवाई संचालन गरिएको राहत सहयोग बितरण कार्यक्रम जिल्लाले पनि संचालन गरेको छ । बन्दाबन्दीका कारण भोको पेट बस्न बाध्य हुनेहरुका लागी संस्थाले खाद्यान्न बितरण गरेर आफुहरुलाई ठुलो गुन लगाएको गौशला बस्ने बिन्दु परियार बताउँछिन् ।
