लुदअ, थानेश्वर अधिकारी
अहिले देशभर फैलिरहेको कोरोना भाइरस ( कोभिड १९) संक्रमण रोकथाम तथा नियन्त्रणका लागी बैंक तथा बित्तिय संस्थाहरुले प्रत्यक्ष रुपमा सहयोग पुरयाउदै आइरहेका छन् । यसै सन्दर्भमा आज धौलागिरी लघुबित्त बित्तीय संस्था शाखा कार्यालय कोपवा कपिलवस्तुले कोरोना रोकथाम तथा नियन्त्रणका लागि बाणगंगा नगरपालिकाका कपिलवस्तुलाई अक्षरुपी दश हजार बराबरको सहयोग रकम हस्तान्तरण गरेको छ । धौलागिरी लघुवित्त बित्तिय संस्था लिमिटेड शाखा कार्यालय कोपवाकी शाखा प्रमुख अञ्जना सुनारले सो रकम बाणगंगा नगरपालिकाका प्रमुख मंगल प्रसाद थारुलाई हस्तान्तरण गरेकी हुन् ।
बागलुङ्गमा केन्द्रिय कार्यालय रहेको राष्ट्रिय स्तरको मान्यता प्राप्त धौलागिरी लघुबित्त बित्तीय संस्थाका बिभिन्न जिल्लामा गरी छत्तिस वटा शाखा कार्यालय रहेका छन् ति सबै सबै शाखाबाट कोरोना कोषमा सहयोग रकम हस्तान्तरण गर्न केन्द्रको परिपत्र अनुसार सो रकम हस्तान्तरण गरेको शाखा प्रमुख सुनारले बताइन । सहयोग हस्तान्तरण कार्यक्रममा कोपवा शाखाका प्रशिक्षार्थी सहायक सृजना पोख्रेल र रिना पौडेलको सहभागिता रहेको थियो ।
