लकडाउनमा प्रसुति व्यथा : सेनाको हेलिकोप्टरले बचायो आमा र बच्चा दुवैलाई

लुदअ चैत १५, काठमाडौं
लकडाउनले यतिबेला मुलुक ठप्प छ। सडकमा सवारीसाधन गुडेका छैनन् भने हवाई जहाज र हेलिकोप्टर पनि ठप्प छन्। यस्तोमा प्रसुति व्यथाले च्यापेर ज्यानै जोखिममा परेकी महिलाको नेपाली सेनाको हेलिकोप्टर उद्धार गरेर ज्यान बचाएको छ। खोटाङको ऐसेलुखर्क गाउँपालिका ३ निवासी २२ वर्षीया सिर्जना तामाङलाई सुत्केरी व्यथा लागेपछि स्थानीय प्राथमकि स्वास्थ्य केन्द्रमा पुर्‍याइयो। तर त्यहाँको जनशक्तिले सक्दो प्रयास गर्दा पनि सिर्जनाले बच्चा जन्माउन सकिनन्।

प्रसुति हुन नसकेर आमा र बच्चाकै ज्यान जोखिममा परेपछि स्वास्थ्य केन्द्रकी स्वास्थ्यकर्मी निर्मला शर्माले प्रतिनिधि सभाका सांसद विशाल भट्टराईसँग गुहार लगाइन्। लकडाउनको तनावबीच गाउँमै रहेका भट्टराईले तत्कालै खोटाङका प्रमुख जिल्ला अधिकारी शालिकराम शर्मासँग हेलिकोप्टर झिकाउन आग्रह गरे। भट्टराईको पहलबीच प्रमुख जिल्ला अधिकारी शर्माले महिला बालबालिका तथा जेष्ठ नागरिक मन्त्री पार्वत गुरुङलाई प्रसुतिले च्यापेर समस्यामा परेकी महिलाकोको उद्धारका लागि आग्रह गरे। महिला मन्त्रालयले पनि तत्कालै नेपाली सेनासँग समन्वय गरेर हेलिकोप्टर पठाइदियो र उनको उद्धार भयो ।

सांसद भट्टराईले ढिला भएको भए आमा र पेटमा रहेको बच्चा दुवैको ज्यान नै तलमाथि हुन सक्ने भन्दै सरकारलाई धन्यवाद दिए ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *