लुदअ १८ चैत, रामेछाप
खांडादेवी–१ राकाथुममा बोलेरो दुर्घटना हुँदा दुई जनाको मृत्यु भएको छ ।
काठमाडौंबाट रामेछापको टोकरपुर जाँदै गरेको बा १४ च ९४९८ नम्बरको बोलेरो दुर्घटना हुँदा दुई जनाको मृत्यु भएको हो ।
मृत्यु हुनेमध्ये दोरम्बा गाउँपालका २ का २४ वर्षका संगित पहरीको पहिचान भएको प्रहरीले जनाएको छ ।
मृतक अर्का एक जनाको सनाखत हुन बाँकी रहेको जिल्ला प्रहरी कार्यालय रामेछापले जनाएको छ ।
दुर्घटनामा ३० जना घाइते भएका छन् । बोलेरोमा लकडाउनका कारण काठमाडौंमा अलपत्र परेमा रामेछापका विभिन्न ठाउँका मान्छे आउँदै गरेको प्रहरीले जानकारी दिएको छ ।
उनीहरु काठमाडौंमा अलपत्र परेपछि पास बनाएर गाउँ फर्किरहेका थिए ।
प्रकाशित : २०७६ चैत्र १८, मंगलवार ०६:११
