लुदस, कपिलवस्तु
मिलिजुली महिला दिदी वहिनी सेनेटरी प्याड उद्योग दर्ता हुने भएको छ । केराका थामबाट तयार पारिने वातावरण मैत्री सेनेटरी प्याड सीप विकास तालिम तथा प्रविधी हस्तान्तरण कार्यक्रम मार्फत उक्त उद्योग स्थापना हुन लागेको उद्योगकी अध्यक्ष जानकारी चौधरीले जानकारी दिनु भयो । लुम्बिनी प्रदेश सभा सदस्य विष्णु प्रसाद पंथीले महिलाहरुलाई उद्यमी बन्नका लागि केराका थामबाट तयार पारिने वातावरण मैत्री सेनेटरी प्याड सीप विकास तालिम उपयोगी हुने बताउनु भयो । लुम्बिनी प्रदेश सभा सदस्य विष्णु प्रसाद पंथीले वातावरण मैत्री सेनेटरी प्याड बनाउने सीप विकास तालिमको अनुगमन गर्ने क्रममा यस्तो धारणा राख्नु भएको हो ।
सामाजिक विकास डिभिजन कार्यालय तौलिहवाको आर्थिक सहयोग र कमन नेपाल प्रा.लि.को ब्यवस्थापनमा बाणगंगा नगरपालिका वडा नं. ६ मा संचालित सात दिवसिय सीप विकास तालिम अनुगमनका क्रममा सामाजिक विकास डिभिजन कार्यालय तौलिहवा, कपिलवस्तुका कार्यालय प्रमुख हरि लाल अर्यालले सीप र उपकरण हस्तान्तरण बाट महिलाहरुलाई आयआर्जनमा टेवा पुग्ने धारणा सहितको टोलीले अनुगमन गरेको हो ।
अनुगमन टोलीमा डिभिजन कार्यालयका सूचना अधिकारी राम करन पाल, सूचना अधिकारी तिलक राम पौडेल डिभिजनका इन्जिनीयर तिर्थ क्षेत्री, ब्यवस्थापन संस्थाका प्रतिनिधी रहनु भएको थियो । सीप विकास कार्यक्रम यही जेठ १९ देखि २५ सम्म संचालन भएको हो ।
