हरि आचार्य, कपिलवस्तु
नेकपा (एमाले) केन्द्रिय निर्वाचन आयोगका सदस्य झविलाल पोख्रेलले सुकुम्वासीका समस्या समाधानका लागि नेकपा (एमाले) ले धेरै बर्ष देखि काम गर्दै आएको बताउनुभएको छ । भूमि अधिकार तथा श्रमिक संगठन नगर परिचालन कमिटी गठन तथा भेला कार्यक्रममा भुमि आयोगका जिल्ला अध्यक्ष समेत रहनुभएका पोख्रेलले एमाले सत्तामा रहदा यो समस्या समाधान तर्फ जाने तर अन्य दलहरुले एमाले जनताको प्यारो पार्टी हुने डरले यसलाई विर्गाा तर्फ लागेको बताउनुभयो । पोख्रेलले आफु आयोगको जिल्ला अध्यक्ष भए पछि तिब्र गतिमा काम भईरहेको र मन्त्रालयले पनि कानुन बनाईरहेको अवस्थामा विदेशी शक्ति मिलेर देशै ध्वस्त भएकाले काम रोकिएको बताउनुभयो ।
विभिन्न सुकुम्वासी वस्तीका स्थानीयले एमालेको सरकारले मात्रै सुकुम्वासीका समस्या समाधान गर्ने भएकाले आउँदै गरेको निर्वाचनमा पनि एमालेलाई मतदान गर्ने बताएका छन् । उनीहरुले आफुहरु सधै एमाले रहने र विकासको आशा एमालेबाट मात्रै गर्ने बताए ।
कार्यक्रममा पार्टीका जिल्ला उपाध्यक्ष शंकर पाण्डे, उप सचिव देबी बहादुर पोख्रेल, सदस्य लक्ष्मण सापकोटा, संगठनका प्रदेश उपाध्यक्ष मंजु चौधरी लगायत नेता कार्यकर्ताहरुको उपस्थिती रहेको कार्यक्रम संगठनका जिल्ला अध्यक्ष कृष्ण घिमिरेको अध्यक्षता, चिन्ता मणि ढुंगानाको स्वागत मन्तब्य तथा शिवचरण चौधरीको संचालनमा सम्पन्न भएको थियो ।
