हरि आचार्य, कपिलवस्तु
होटल तथा पर्यटन व्यवसायी संघ कपिलवस्तुले सम्पुर्ण होटल, रेस्टुरेण्ट, गेस्ट हाउस, तथा बार ब्यबसायीहरुलाई सचेत गराएको छ । नेपाल सरकार, गृह मन्त्रालय अन्तर्गत जिल्ला प्रशासन कार्यालय कपिलवस्तुद्वारा जारी सूचना अनुसार प्रतिनिधि सभा सदस्य निर्वाचन लाई स्वच्छ, मर्यादित र शान्तिपूर्ण वातावरणमा सम्पन्न गराउने उद्देश्यले मिति २०८२ फाल्गुण १५ गते देखि मतदान कार्य सम्पन्न नभए सम्म कपिलवस्तु जिल्लाभर मदिरा बिक्री, वितरण, ओसार पसार तथा सेवन निषेध गरिएको व्यहोरा सबैले पालना गरिदिनुहुन संघले अनुरोध गरेको छ ।
यस सन्दर्भमा होटल तथा पर्यटन व्यवसायी संघ कपिलवस्तुको तर्फबाट जिल्लाभित्र सञ्चालनमा रहेका सम्पूर्ण होटल, रेस्टुरेन्ट, लज, बार तथा पर्यटन व्यवसायीहरूलाई तोकिएको अवधिभर मदिरा बिक्री तथा सेवा पूर्ण रूपमा बन्द गर्नुहुन अनुरोध गरिएको संघका जिल्ला अध्यक्ष रबिन्द्र पौडेलले जानकारी दिनुभयो ।
साथै प्रशासनको सूचनाको पालना गर्दै शान्तिपूर्ण र सभ्य वातावरण कायम गर्न सहयोग पु¥याउनुहुन नियम उल्लङ्घन भई कानुनी कारबाहीमा पर्ने अवस्था आउन नदिन विशेष ध्यान दिनुहुन अनुरोध समेत गरिएको छ ।
