आशिष चुँदाली ( पौडेल)

सानैबाट कति डर छ हेरन आमा, आफ्नै इज्जत जोगाउन
दाग न लगाउँछन, हेर कति गाह्रो छ त्यसलाई मेटाउन ।
यो समाजलाई देख्यौनी आमा,दिन्नन मन लाएको लगाउन
ए आमा तिमीले किन जन्म दियौ, कति गाह्रो हेरत यो समाजमा जिउन ।।

आफ्नै घर मात्रै होइन, पुग्छन् गाँउभरी आगो लगाइदिन
भन्छन् आमा सतिले सरापेको देश,सबैको नजर त्यसैमा किन ।
उखुबारी जड्गलको घारी फालिदिन्छन् लुटी इज्जत त्यही कुना
ए आमा तिमीले मलाई किन जन्म दियौ, कति गाह्रो छ हेरत यो संसारमा जिउन ।।

कपिलवस्तुमै हेत कति गाह्रो भयो , बाबुबाटै उनको इज्जत जोगाउन
हेटौडामा हेरत आमा, सकिनन सुस्मिताले आफ्नो ज्यान जोगाउन ।
ठाउँ ठाउँमा चेली माथी उस्तै हर्कत गर्छन किन
ए आमा तिमीले मलाई किन जन्म दियौ, कति गाह्रो छ हेरत यो संसारमा जिउन ।।

छोरा मान्छेसँग बोल्यो भने , झुट्टा आरोप लाउँछन् किन
माइत जान्छु भन्दा पनी उतैबाट भाग्ने जस्तो गर्छन किन ।
सधैभरी हामी नारी माथी कुदृष्टि लाउँछन् किन
ए आमा तिमीले मलाई किन जन्म दियौ, कति गाह्रो छ हेरत यो संसारमा जिउन ।।